آخر المستجدات
زواتي تستعرض إنجازات الطاقة: الاردن في المركز الأول بمحور ايصال الكهرباء للسكان أصحاب التكاسي يطالبون بحلّ قضية المركبات المحتجزة: الأسواق كانت مزدحمة الكايد يوضح شروط دخول العقبة وعودة الموظفين من خارج المحافظة كنيسة القيامة تتراجع عن فتح أبوابها وزير التربية لـ الاردن٢٤:لم نتلقّ شكاوى حول انهاء عقود معلمين في دول الخليج بشكل مبكر أجواء ربيعية لطيفة بمعظم المناطق وحارة نسبيا في الأغوار والعقبة جابر: سيتم فتح الاقتصاد بالكامل تدريجيا التحالف العالمي للقاحات لا يتوقع ظهور مؤشرات على فاعلية لقاح ضد كورونا قبل الخريف الصين: الولايات المتحدة مصابة بـ"فيروس سياسي" العضايلة: لا أعتقد أن المناسبات ستعود كما عهدناها.. وعادات الناس ستتغير ضبط 950 مخالفا لحظر التجول الشامل الخدمة المدنية يعتذر عن استقبال المراجعين الفراية: منصة لإعادة الأردنيين برا وبحرا وإطلاق المرحلة الثالثة لإعادتهم جوا إخلاء الخاضعين للحجر في فنادق البحر الميت باستثناء سبعة أشخاص الأردن يسجل 4 إصابات جديدة بالكورونا لسائقين على الحدود وزارة المياه ل الاردن ٢٤: اعادة تشغيل خط الديسي سيبدأ صباح الاربعاء اعتداء جديد على الديسي تلزم وقف الضخ لمناطق في عمان والزرقاء والشمال إعادة فتح أبواب كنيسة القيامة مع الالتزام بإجراءات السلامة عيد فطر داخل المنازل.. كورونا يغيّر الطقوس والأجواء الخلايلة: لم تمنع الصلاة في المساجد إلا لسبب كبير

وَلَكْ لا تمشي الحيط الحيط

كامل النصيرات
ولكْ لابس بنطلون القماش ( إللي عمره خمس سنين ) عَ اللحم ..و ماشي وإنتَ تقول : يا رب السترة ..!! سترة إيش يا مفضوح بالألوان ..وَلَكْ إنت فيديو كليب يمشي على الأرض والعرض متواصل ...!! يعني آخر إغراء بسوق نخاسة الفضائيات..!!
بدّكْ تمشي جنب الحيط ..ها ..؟؟ حيط إللي يقع عليك وعلى سلالتك ..من أوّل جِدْ كان يعتقد بأن ( الشوارب والسكسوكة ) يخلِّنْ أعتى بنت ( تْنِخْ ) ...إلى آخر طفل وُلِدَ قبل قليل وسيعتقد بعد سنين قريبة ؛ أن ( الحفّاظة ) هي بنك الانماء الجديد والوحيد الصالح لتحويشة العمر القادم...!!
أي حيط يا أهبل ..؟؟ أي حيط يا خويثة ..؟؟!! وَلَكْ صَحْصِحْ..وَلَكْ الحيط إللي بدهم يمشّوك بجنبه ؛ حيط مليء بالعقارب والحيايا وكافة أنواع القوارص واللوادغ واللواطش ..!! صَحْصِحْ يا ملطوش صَحْصِحْ..!! بدهم يسرقوا بنطلونك القماش ..ويخلّوك تطلع فوق الحيط ..ويخلّوك تمشي فوقيه ..!! وبدهم يجيبوا أمّك ومرتك وبناتك ؛ يمرقوهم من هناك بالصدفة ( المقصودة ) ..!! وَلَكْ صَحْصِحْ ..يلعن أبو أحسن حيط يخليك تطلب الستر من دائرة محيطها مكشوف لكل العالم ..!!
لسّة بدّكْ تمشي بجنب الحيط ..لسة مصمِّمْ ..؟؟ ماشي ..بس أرجوك ..خُذْ معك قَدْ ما تقدر من الساندويشات ( لأنو ما حدا رح يهتم بجوعك وبشبعك ) ..وخذ معك إبرة وخيط ( بنطلونك رح ينمزع بجنب الحيط لا محالة ).. وخذ معك حزام ( مِشْ ناسف ..ومش عشان يمسك البنطلون ) عشان تحط الحزام في رقبتك ( يعني رَسَنْ ) ..وبُكرة بس تنظرب على راسك وتفقد كل شيء بما فيها ذاكرتك ..ممكن تلاقيلك ابن حلال ؛ يشدّك من حزامك ويجيبك عند أهلك ..!!
وَلَكْ صَحْصِحْ ..الحيط مش حيطنا ..!! بُكرة الكل بقوم و رَحْ يهدّوا الحيط ..وما رَحْ يظل غير إنت ..شو يعملوا فيك ساعتها ..؟؟ أكيد ما رَحْ يعرفوا يعيشوا بدون الحيط ..عشان هيك رَح يجيبوك ويحطّوك بَدَل الحيط ..وتصير إنت الحيط المايل إللي الكل يركب وينطنط عليه ...!!! وَلَكْ صَحْصِحْ..صَحْصِحْ..!!
 
 
 
Developed By : VERTEX Technologies